Pentaqon Yaxın Şərqə bir qrup qırıcı təyyarə yerləşdirir

ABŞ regiona əlavə qırıcılar və yanacaqdolduran təyyarələr göndərərək Yaxın Şərqdəki hərbi hava qruplaşmasını artırır.

"Report" xəbər verir ki, bu barədə "The Wall Street Journal" qəzeti yazıb.

Mövcud məlumatlara görə, Yaxın Şərq regionuna Almaniyadakı "Şpanqdalem" aviabazasından "F-16", həmçinin Böyük Britaniya ərazisindəki "Leykenhit" aviabazasından "F-35" qırıcıları köçürülür. Qəzet dəqiqləşdirib ki, təyinat yerinə döyüş aviasiyasından əlavə, havada yanacaqdolduran təyyarələr də yollanır.

ABŞ-İran qarşıdurmasındakı gərginliyin yeni mərhələsinə 8 iyul hadisələri səbəb olub. ABŞ Silahlı Qüvvələri Vaşinqtonla Tehran arasında memorandum imzalandıqdan sonra ilk dəfə olaraq Hörmüz boğazında ticarət gəmisinə edilən hücuma cavabla əsaslandıraraq İran ərazisinə bir neçə aviazərbə endirib. Elə həmin gün Ağ Evin rəhbəri Donald Tramp İranla atəşkəsin dayandırıldığını elan edib. Tehran isə, öz növbəsində, Bəhreyn, İordaniya, Qətər, Küveyt, BƏƏ və Oman ərazisində yerləşən Amerika hərbi obyektlərinə cavab zərbələri endirməyə başlayıb.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş